網紅的藏寶箱《8星期減16磅》
岩岩生完細佬時，重左50磅。坐月期間食好多白飯同飲好多湯，當時唯一目標就係要 #上奶，加上日以繼夜換片、餵奶，好肚餓，凌晨餵完奶都會食返兩個麵包。
預備復工時，拎返啲衫出黎，生之前個批唔岩著就一定啦，估唔到連大肚既衫都唔岩著，手臂肥到連XL衫都著唔到，已經唔係著得靚唔靚既問題，係著唔著得落，好灰！
產假結束後開始 #低醣飲食，食少左都預左有機會冇奶，不過都唔理咁多，冇奶都可以食奶粉。結果出乎意料之外，奶量竟然不減，細佬每日仲有4餐母乳食，另外1餐奶粉，佢仍然係肥肥白白，4個月去健康院磅重，有8.85 kg，體重超過生長線100，不過唔係超重，純粹係大碼B。
呢8個星期我覺得都唔難行既，老公好支持我，幫手買、洗、切沙律菜，比我帶lunch返工。我媽咪都支持我，晚餐幫手煮椰菜花飯同炒青菜。
仲有幾個16磅要減，放2星期假之後就會繼續努力！
#陳倩揚減肥法
#減肥都可以食得飽
#飲水飲水飲水
#產後減肥
#生B痛係一時 #不過肥都可以唔係一世
Search